¿Que facemos na Tribu Bosquinenos?
Co Grupo de Exploración e Aventuras no Monte "Tribu Bosquinenos" pretendemos levar a cabo un programa de inmersión na Natureza para crianzas.
Buscamos ofrecer un espazo de aprendizaxe, disfrute, respeto, amizade, aventuras e diversión no Bosque que se leve a cabo ao longo do ano.
Un lugar onde levar a cabo unha educación ambiental baseada na metodoloxía Bosquescola de estilo inglés, na cal faremos primar o acompañamento respectuoso desenvolvido en plena natureza e o descubrimento e aprendizaxe a través da experiencia.
As nosas Educadoras, expertas en educación infantil, educación social, forestais, bushcraft e rastrexo de fauna, acompañarán aos pequechos na aventura diaria de descubrir a verdadeira natureza, aos seus habitantes explorando na procura de rastros e sinais, aprender vellos oficios, coma a carpintería ou costura, que iremos aplicando en traballo en equipo para construir diversas estructuras de xogos, ou proxectos que vaiamos poñendo en común, creación e coidado dun bosque comestible, cociña campestre, costura, bushcraft, supervivencia, e vivir unha e mil aventuras que nos xurdan ao estar en plena Natureza!!
INFORMACIÓN
Lugar e Instalacións
Lugar: Merendeiro do Parque Forestal de Saiáns (Vigo).
Temos como refuxio a Cabaña de madeira ou o Local da comunidade de montes, ubicados en pleno merendeiro do parque forestal.
Datas - Horarios
ACTIVIDADES DE OUTUBRO A XUÑO
-
Sesións de Fin de Semana: Sábados
Pódese contratar:
-
Regularmente 1 ou 2 actividades ao mes
-
De maneira puntual un ou varios día/s soltos
Consulta o calendario de sesións anual AQUI
Horario De 11:00 a 13:45 h
- Idades e Equipamento -
Actividades dirixidas a Nenas e nenos moi Silvestres
de 4 a 12 Anos.
Cada crianza deberá acudir co seguinte equipamento:
-
Botas de auga / calzado impermeable
-
Pantalón/peto e cazadora impermeable.
-
Mochila con merenda e cantimplora
-
Bolsa con muda completa.
Actividades
Tódalas actividades se realizan ao aire libre, no Bosque, salvo condicións meteorolóxicas moi desfavorables, nas que empregaremos a Cabaña e Local.
No Bosque realizaremos un acompañamento respectuoso das crianzas, propiciando a exploración - investigación e descuberta da Natureza, ademáis de: xogo libre, carpinteria, talleres de arte e natureza, costura, voluntariado en favor do onte, e moitas cousas máis.
Prezos
Sesións de Fin de Semana :
1) Asistencia puntual Día solto:
-
1 Día solto 1 Crianza: 25 euros
-
1 Día solto 2 Crianzas: 35 euros
-
BONOS Días Soltos: Podes adquirir varios días soltos a Prezos reducidos AQUÍ
2) Asistencia regular:
1 Crianza:
-
1 Sesión/mes: 20 euros/mes
-
2 Sesións/mes: 30 euros/mes
2 Crianzas:
-
1 Sesión/mes: 30 euros
-
2 Sesións/mes: 40 euros
-
A Consultar! Tarifas especiais para Socios/Comuneiros.
Inscrición
Para Participar hai que INSCRIBIRSE previamente cubrindo o Formulario que poderedes atopar nesta mesma páxina.
Para inscritos a 1 Sesión mensual deberedes ir indicándonos que días ides asistir con anterioridade para que poidamos organizar o equipo educativo en función da ratio.
O PAGO da actividade pódese realizar:
-
En metálico o día da actividade.
-
Por transferencia bancaria no número de conta:
Beneficiario: Asociación Alados Medioambiente
IBAN: ES1120805010373040019918 (Abanca)
Concepto: Nome Neno/a
-
Canxeando un BONO de sesiones. Podedles mercar os Bonos AQUÍ
Cales son os nosos Obxectivos
Detrás do Proxecto dos Bosquinenos hai un Soño e unha filosofía....
Sacar aos nenos e nenas das casas e abrirlles as portas ao mundo vivo que lles rodea
Liberalos da rutina e do estrés
Loitar contra o sedentarismo e promover o libre movemento e autoconfianza
Ofrecerlles o marco para conectar emocionalmente coa súa contorna
Fomentar o desenvolvemento da imaxinación, autonomía e creatividade
Favorecer a sensibilidade a través da experiencia
Educalos no amor, coñecemento e respeto pola natureza
Estimular sen sobreestimular
Promover a motivación e curiosidade polo aprendizaxe, o compañerismo e traballo en equipo
Crear un espazo ao aire libre onde eles e elas poidan crear, ser, facer, expresar, sentir, imaxinar, construir, investigar, disfrutar, liberar, emocionar, lograr, conseguir, motivar, explorar, experimentar e sobre todo xogar e divertirse libremente!!
E que pasa si chove?
Tódalas Actividades que levamos a cabo son realizadas ao aire libre en plena Natureza, no bosque que nos acolle, o cal nos ofrece un marco incomparable de xogos e aventuras.
Pero si as condicións atmosféricas son moi desfavorables ou para momentos puntuais, contamos co uso do Local e Cabaña de madeira da comunidade de montes de Saiáns, ubicados en pleno merendeiro do parque forestal, que nos servirán de refuxio e aula.
